Sco l'Uffizi federal da sanadad BAG scriva, duai questa metoda proveder a moda svelta buns resultats d’in grond territori. Ed il sistem duai gidar d’observar fitg actual la cumpart dal virus sco era las variantas dal coronavirus ch’èn en circulaziun. Sut observaziun èn tenor il BAG er auas persas da gronds lieus turistics.
Era sche la pandemia laschia il mument suenter, saja impurtant da tegnair en egl la situaziun epidemiologica. Quai saja impurtant, perquai ch'il dumber da tests da corona sa reduceschia.
Il nov sistem resta en funcziun fin la fin da l'onn, ed eventualmain datti ina prolungaziun. Davent dal zercladur vul il BAG publitgar las datas rimnadas.
Ord l'archiv
Durant la pandemia è la controlla d'auas persas stada ina mesira en il cumbat cunter il virus. Er la serenera a Cuira è vegnida controllada.