Siglir tar il cuntegn

Header

video
Patrick Mathys: «La situaziun è vinavant tendida e fa quitads»
Or da News-Clip dals 14.09.2021.
laschar ir
cuntegn

Coronavirus Nova recumendaziun per dunnas en speranza

Patrick Mathys, il manader da la secziun Superaziun da la crisa e collavuraziun internaziunala da l'Uffizi federal da sanadad (BAG), ha infurmà davart la situaziun actuala.

La situaziun saja sa quietada in zichel, il dumber d'infecziuns saja stabil sin in nivel aut. Las ospitalisaziuns novas per di sa reduzeschian, quai perquai ch'ils blers che s'infecteschian cun il virus sajan giuvens e giuvnas nua che la pussaivladad ch'i stoppian ir en l'ospital saja pitschna.

Betg sa quietada saja la situaziun sin las staziuns intensivas, là saja la situaziun anc adina alarmanta. La vaccinaziun possia dentant evitar in'ospitalisaziun en 90% dals cas.

Rudolf Hauri, il president da l'associaziun dals medis e medias dals chantuns, ha admonì che la surchargia dals ospitals na saja anc betg surmuntada. Ins na sappia betg semplamain auzar las capazitads ed era il persunal na sappian ins betg simplamain remplazzar.

Patrick Mathys ha ultra da quai fatg attent a la nova campagna dal BAG che duess motivar giuvens e giuvnas da sa laschar vaccinar.

Nova recumandaziun da vaccinar

Christoph Berger, il president da la Cummissiun federala per dumondas da vaccinaziun, ha annunzià ina midada tar la recumandaziun da vaccinar per dunnas en speranza. Davent dad uss cusseglia il BAG la vaccinaziun era per dunnas en speranza davent da la 12avla emna e per mammas che tezzan ses uffants.

I na drovia betg pli ina recumandaziun dal medi per pudair sa laschar vaccinar.

Vaccinaziun da rinfrestgament

Il mument na datti betg ina permissiun per ina vaccinaziun da rinfrestgament da Swissmedic u da l'Uffizi europeic medischina (EMA). I saja d'eruir tgi che drovia questa vaccinaziun da rinfrestgament ed il BAG vegnia ad infurmar sch'i dess là ina midada.

video
Christoph Berger: «Ina terza vaccinaziun na vegn betg cussegliada»
Or da News-Clip dals 14.09.2021.
laschar ir

Christoph Berger ha accentuà ch'i possia dar levs cas da la malsogna suenter in tschert temp da la vaccinaziun, quai na saja dentant betg in motiv da metter en dubi il schurmetg da la vaccinaziun u da betg sa laschar vaccinar.

RTR novitads 15:00

Artitgels legids il pli savens

Scrollar a sanestra Scrollar a dretga