Siglir tar il cuntegn

Header

cuntegn

Coronavirus Occurrenzas grondas pretendan attenziun

Occurrenzas grondas duain anc pli ditg mo esser pussaivlas per persunas vaccinadas u testadas negativ. Quai ha ditg il president da la cumissiun federala da vaccinar, Christoph Berger, en in’intervista cun la «Sonntagszeitung».

  • Occurrenzas grondas duain anc pli ditg mo esser pussaivlas per persunas vaccinadas u testadas negativ, pervi da la pandemia da corona.
  • Da quest avis è il president da la cumissiun federala da vaccinar, Christoph Berger.

Uschè ditg che la gronda part da la populaziun saja anc senza vaccinaziun, pudessan talas occurrenzas grondas daventar lieus da «superspreader» – ha avertì l’infecziolog da l’Ospital d’uffants da Turitg. Pia ch’ina suletta persuna infectada ch’è ad ina occurrenza gronda, possia dar enavant il virus a blers auters ch’eran en ses conturn.

Il medi Christoph Berger.
Legenda: Tenor Christoph Berger ston els persvader anc pli persunas da sa laschar vaccinar – cunzunt talas ch'èn sur 60 onns. Keystone

Tenor Christoph Berger fa in pass grond pir senn en l'ultim quartal da l'onn. Enfin lura sajan numnadamain ils blers creschids e giuvenils vaccinads. I haja num d’era persvader questas persunas da sa laschar vaccinar, che targlinan anc actualmain.

La campagna da vaccinar fa quitads al president da la cumissiun federala da vaccinar, Christoph Berger. Da las persunas tranter 60 ed 80 onns per exempel, na sajan tut tenor chantun 25 fin 35 pertschient betg vaccinads. Cun la campagna da vaccinar stoppian els uss empruvar – da vegnir da pledentar meglier questa gruppa.

L'avrigl en «10 vor 10» da SRF:

video
Christoph Berger en discurs sur da l'immunitad collectiva
Or da 10 vor 10 dals 07.04.2021.
laschar ir. Durada: 3 minutas 26 Secundas.

RTR novitads 09:00

Artitgels legids il pli savens