Siglir tar il cuntegn

Header

cuntegn

Coronavirus Segund mort è in um da 76 onns

  • Coronavirus chaschuna segund mort en Svizra. Um mora en l'ospital chantunal a Liestal.
  • I sa tracta d'in um da 76 onns cun malsogna preexistenta. Il pazient aveva para nagin contact cun l'Italia.
  • Dumber dals cas confermads dal coronavirus s'augmenta sin 281. Tar 51 cas è l’emprim test stà positiv.
  • L'Italia è en Europa pertutgada il pli ferm. La regenza a Roma ha bloccà pliras parts en l'Italia dal Nord. Fin sonda è vegnì dumbrà 5883 infectads, 233 persunas èn mortas.

Um da 76 onns è mort

En Svizra è ina segunda persunas morta pervi dal coronavirus. I sa tracta d'in um da 76 onns cun ina malsogna preexistenta. L'um viveva en il chantun Basilea-Champagna. La persuna saja morta en l'ospital chantunal a Liestal. Il pazient n'aveva naginas colliaziuns cun l'Italia. Igl è enconuschent cun tgi ch'il pazient ha gì contact, ins na veglia dentant betg far enconuschent detagls. Quai han communitgà las autoritads localas.

video
Medi Jörg D. Leuppi: Ins na sa betg nua ch'il pazient ha sinfectà
Or da News-Clip dals 08.03.2020.
laschar ir

Actualmain 281 cas en Svizra

Er en Svizra sa derasa il coronavirus vinavant. I dat actualmain 281 cas (stan 8 da mars) confermads dal coronavirus. Quai ha communitgà l’Uffizi da sanadad BAG. Uschia è il dumber da cas s’augmentà per passa 70 dapi il venderdi saira. Fin uss sajan passa 4'000 persunas vegnidas testadas negativ sin il virus. Tar passa 50 cas saja l’emprim test stà positiv. Il resultat dal labor da referenza a Genevra saja anc pendent.

Emprima persuna è morta en il chantun Vad

La gievgia è en il chantun Vad l'emprima persuna morta dal coronavirus. La dunna da 74 onns è morta en l'Ospital universitar da Losanna. Ella era stada periclitada ferm pervi d'ina malsogna cronica.

RTR novitads 15:00+

Artitgels legids il pli savens

Scrollar a sanestra Scrollar a dretga