Siglir tar il cuntegn

Header

video
Tessin ha proclamà il stadi d'urgenza (tud.)
Or da 10vor10 dals 11.03.2020.
laschar ir
cuntegn

Coronavirus Tessin ha proclamà il stadi d'urgenza

Il chantun Tessin ha proclamà il stadi d'urgenza pervia dal coronavirus. Il stadi d'urgenza vala enfin la fin da mars. Tranter auter restan kinos, territoris da skis e clubs da notg serrads. La scola obligatorica resta averta. Percunter vegnian tuttas scolas privatas e publicas dal chantun, che porschan ina scolaziun suenter il temp da scola obligatoric, serradas. Quai ha communitgà la regenza tessinaisa en ina conferenza da medias.

En total ha la regenza dal Tessin decis 12 mesiras: tranter auter vegn scusseglià fermamain a persunas sur 65 onns e persunas periclitadas da betg pli pertgirar uffants, prender part ad festas publicas e privatas e far diever dal traffic public. Restaurants dastgan mo pli esser averts sch'els han pli pauc che 50 plaz. En general èn occurrenzas cun dapli che 50 persunas scumandadas.

Il Tessin è en il mument il chantun il pli fitg pertutgà dal coronavirus. Fin uss ha il chantun registrà 120 cas confermads - tar 3 ulteriurs cas manca anc la conferma dal labor da referenza a Genevra. Il mardi era morta ina dunna da 80 onns or da la regiun da Mendrisio che viveva en ina chasa d'attempads.

Er il sport professiunal è pertutgà

Las mesiras dal chantun han er influenza sin il sport professiunal. Tranter auter vegnian ils trenaments dals clubs tessinais en la National League e la Super League scumandads. Tge che quai munta per ils campiunadis da hockey e ballape n'è anc betg cler. Emprim ston las associaziuns prender posiziun.

L'associaziun da hockey svizra SIHF ha communitgà, ch'ils clubs vegnian a tegnair damaun ina conferenza via telefon.

RTR novitads 18:00

Artitgels legids il pli savens

Scrollar a sanestra Scrollar a dretga