Siglir tar il cuntegn

Header

cuntegn

Terza unfrenda en Svizra En il Tessin mora ina dunna da 80 onns pervi dal coronavirus

La dunna da la regiun da Mendrisio viveva en ina chasa d'attempads. Entant ha la regenza tessinaisa anc rinforzà las mesiras en il cumbat cunter il coronavirus. A partir d'immediat datti in scumond da visitar per ospitals e chasas da tgira.

La dunna dad 80 onns da la regiun Mendrisio pativa d'ulteriuras malsognas, ha la regenza tessinaisa communitgà il mardi. Quai è la terza unfrenda dal coronavirus en Svizra. Il Tessin ha actualmain 68 persunas ch'èn infectadas cun il coronavirus.

Tessin augmenta protecziun

La regenza tessinaisa ha anc rinforzà las mesiras en il cumbat cunter il coronavirus. A partir d'immediat datti in scumond da visitar per ospitals e chasas da tgira, quai ha la regenza decidì gia glindesdi saira.

Prioritad absoluta saja da proteger ils pli flaivels en la societad, ha declerà la regenza tessinaisa en in communiqué tramess glindesdi saira. Plinavant stoppian las resursas dal persunal medicinal vegnir schanegiadas.

Intgins ospitals han anc prendì mesiras supplementaras per esser pront sch'i dess in augment dals cas da corona.

Ord l'archiv da SRF

Video
Visitas restrenschidas en chasas da tgira
Or da Tagesschau dals 07.03.2020.
laschar ir

RTR novitads 10:00

Artitgels legì il pli savens

Nach links scrollen Nach rechts scrollen