La Credit Suisse ha communitgà che ses CEO Thomas Gottstein sa retira suenter dus onns e mez. Quai suenter ch'i veva dà rapports davart sia demissiun probabla. A partir dal prim d'avust daventa Ulrich Körner ses successur. Körner è dapi l'avrigl 2021 commember da la direcziun e CEO dal Asset Management.
Legenda:
Thomas Gottstein sa retira suenter dus onns e mez sco CEO.
Keystone
Er en il segund quartal cun cifras cotschnas
La Credit Suisse scriva il terz quartal en seria cifras cotschnas. Il segund quartal ha la banca gronda fatg ina perdita da passa 1,59 milliardas francs. Quai suenter in minus da 273 milliuns l'emprim quartal. Motiv per quest resultat en il segund quartal sajan tranter auter creaziun da reservas per cas giuridics. Sper quai pateschia la banca da la situaziun difficila geopolitica ed economica.
audio
Per tadlar curt e cumpact
ord RTR Audio dals 27.07.2022.
laschar ir. Durada: 2 minutas 40 Secundas.
