Siglir tar il cuntegn

Header

cuntegn

Credit Suisse Ulteriuras roschadas tar la banca gronda

En il cussegl d’administraziun da la banca Credit Suisse datti pliras midadas. Tranter auter na candidescha il vicepresident da la banca gronda, Severin Schwan, betg pli per in’ulteriura perioda d’uffizi. Quai ha communitgà la banca ch’è scurlattada da crisas.

Il schef dal concern da farmazia Roche è dapi il 2014 commember dal gremi e dapi il 2017 vicepresident da la banca gronda. Sper Schwan na candideschan er Kai Nargolwala e Juan Colombas betg pli per in'ulteriura perioda. Gia l'ultim temp era vegnì speculà surda ina demissiun da Schwan. Suenter la demissiun anticipada da l'anteriur president da la banca – António Horta-Osório – era er Schwan vegnì crititgà fermamain. Er la rolla dubla da Schwan, sco vize da la banca gronda e CEO da Roche, è adina puspè stà tema.

Anc il schaner aveva Severin Schwan ditg envers differentas medias ch'el na sappia betg sch'el veglia candidar per in'ulteriura perioda tar la proxima radunanza generala ch'ha lieu l'avrigl.

RTR novitads 09:00

Artitgels legids il pli savens

Scrollar a sanestra Scrollar a dretga