Siglir tar il cuntegn

Header

cuntegn

Cumbat cunter coronavirus Basilea-Citad a la testa cun vaccinar

La mira è d'augmentar la capacitad da vaccinar uschè spert sco pussaivel.

  • En Svizra èn fin gievgia vegnì fatg var 170'000 vaccins cunter il coronavirus.
  • Quai munta a var dus pertschient da la populaziun, sco 'Uffizi federal da sanadad communitgescha.
  • A la testa dals chantuns è Basilea-Citad. Il Grischun è cun 1,88 sut la media Svizra, ch'è tar 1,97.

Fin uss èn vegnidas furnidas en il Grischun bunamain 12'000 dosas dal vaccin cunter corona. Da quellas èn vegnidas duvradas fin uss passa 3'700, communitgescha l'Uffizi federal da sanadad sin sia pagina d'internet. En l'entira Svizra han ils concerns Pfizer/Biontech e Moderna furnì en total 460'000 dosas da lur vaccins, da quellas èn 170'000 duvradas.

«Ils chantuns ston tar las vaccinaziuns far vinavant»

La Svizra stoppia vaccinar pli svelt, ha ditg il minister da sanadad Alain Berset suenter in inscunter tranter confederaziun e chantuns. Blers chantuns sajan sin buna via, i dettia dentant anc grondas differenzas regiunals.

El saja dentant pertschart ch'il vaccinar saja in'acziun fitg cumplexa ed ina sfida organisatorica e logistica. Ils problems da furniziun dal vaccin da Pfizer Biontech fetschia tut anc pli cumplex:

Davent dad oz infurmeschia la Confederaziun duas giadas per emna davart las cifras da vaccinaziun, ha empermess Alain Berset. Ils chantuns hajan ina obligaziun d'annunzia. La mira saja dentant, d'augmentar la capacitad da vaccinar uschè spert sco pussaivel. Davent dal favrer survegnia la Svizra dapli fin bler dapli dosas da vaccinar. Lasuenter stoppia era il dumber da las vaccinaziuns vegnir augmentà.

RTR novitadas 06:00

Artitgels legids il pli savens

Scrollar a sanestra Scrollar a dretga