Siglir tar il cuntegn

Header

Il Cussegl naziunal en la sala da la Bernexpo.
Legenda: Suenter il Cussegl dals chantuns ha er il Cussegl naziunal approvà mesiras preventivas per franar periclitaders terroristics. Keystone
cuntegn

Cumbat cunter terrorissem Cussegl naziunal ha approvà mesiras preventivas

Per franar periclitaders terroristics duai la polizia pudair far diever da mesiras sco per exempel l'obligaziun d'annunzia, il scumond da rayon e da bandunar il pajais sco er cun arrest da chasa. Suenter il Cussegl dals chantuns ha er il Cussegl naziunal decidì questas mesiras preventivas.

La Chombra gronda ha terminà il venderdi la debatta davart la lescha davart mesiras polizialas per cumbatter il terrorissem. Las mesiras preventivas vegnan applitgadas, cura ch'il dretg penal na po anc betg far effect, perquai ch'i na dat anc nagin delict penal.

Las mesiras han en mira uschenumnads periclitaders. Tenor lescha èn quai persunas, che la polizia ha puncts da referiment actuals u concrets, ch'ellas vegnan a commetter ina activitad terroristica.

Ord l'archiv da SRF

video
Critica vid la nova lescha da periclitaders
Or da 10vor10 dals 17.06.2020.
laschar ir

RTR novitads 10:00

Artitgels legids il pli savens

Ir a sanester Ir a dretg