La Cumissiun federala cunter il rassissem cusseglia d’integrar il tema rassissem en il plan d'instrucziun da las scolas svizras. En ils meds d'instrucziun manchia in sensori en chaussa rassissem.
La cumissiun ha publitgà in studi, ed ella conceda svilups positivs areguard il rassissem en cudeschs da scola. Enstagl dal pled «Indian» vegnia duvrà «Native Americans», ed i vegnia era discurrì da la «Svizra coloniala».
Schi giaja en cudeschs da scola per rassissem, lura vegnia quel interpretà sco fenomen istoric u tranter-uman. Il rassissem che furmia las relaziuns da pussanza socialas na saja dentant betg preschent. La normalitad sociala vegnia per il pli descritta sco «omogen alva», hai num en il studi publitgà da la Cumissiun federala cunter il rassissem. Persunas creschidas da colur sajan cunzunt da vesair en connex cun temas sco povradad, fugia ubain asil.
