40% dals tschains da locaziun duai la fatschenta pajar – 60% il locatur. Uschia guard'ora il cumpromiss en la dispita pervi da tschains da locaziun areguard fatschentas ch'han stuì serrar pervi dal lockdown.
La cumissiun d’economia dal Cussegl dals chantuns sustegna la proposta che la cumissiun en l’autra chombra ha fatg. Il parlament sto anc esser d'accord cun quella proposta. La decisiun croda en la sessiun da stad.
