Siglir tar il cuntegn

Header

cuntegn

Cumissiun per sanadad Restaurants duain gia avrir en in mais

Restaurants e centers da fitness duain gia puspè avrir en in mais lur portas. Quai pretenda la cumissiun per sanadad dal Cussegl naziunal – sco ils Servetschs dal parlament han communitgà.

Uschia s’augmenta il squitsch sin la strategia d’avertura precauta dal Cussegl federal. Quel vul decider l’autra mesemna en chaussa.

Dasper la PPS, l’Uniun svizra d’artisanadi e mastergn, Gastrosuisse e singuls chantuns pretenda uss er ina maioritad da la cumissiun pass pli sperts. Concret duajan ils restaurants puspè avrir ils 22 da mars – uschia la pretensiun.

Il Cussegl federal vul far bufatg

Il Cussegl federal da sia vart vul far bufatg. Il plan ch'el ha preschentà la mesemna prevesa ch'ils restaurants pon il pli baud avrir l'entschatta avrigl las terrassas. Quai sut la premissa che la situaziun na saja betg sa pegiurada. Sut las medemas premissas duain er centers da fitness vegnir averts.

RTR Novitads 17:00

Artitgels legids il pli savens