Siglir tar il cuntegn

Header

cuntegn

Cumpra da jets Chombras parlamentaras n'èn betg perina

Las chombras parlamentaras n’èn betg perina davart ils detagls da la cumpra dals aviuns da cumbat. Da princip vulan omaduas dar or 6 milliardas francs per ils aviuns. Differenzas datti dentant pertutgant las dimensiuns da las fatschentas en cuntrapart: Il Cussegl dals chantuns pretenda 80%, il Cussegl naziunal percunter insista sin 60%. Sco proxim sto la conferenza d’intermediaziun s’occupar da la fatschenta.

La chombra pitschna aveva atgnamain decis che l'entir volumen da cumpra vegnia cumpensà cun surdar lavurs en Svizra. Suenter ch'il Cussegl naziunal aveva dentant decis ch'ins veglia sulettamain cumpensar 60%, aveva il Cussegl dals chantuns decis da sbassar il volumen sin 80%. Quai n'ha dentant midà nagut vid la posiziun dal Cussegl naziunal. El ha refusà cun 144 cunter 40 vuschs la proposta da la chombra pitschna.

L’ultim pled en chaussa areguard la cumpra dals aviuns da cumbat ha probabel il pievel.

Cussegl federal decida davart il tip dals jets

Textbox aufklappenTextbox zuklappen

Entras la decisiun da planisaziun vegn il Cussegl federal incumbensà da cumprar jets da cumbat per maximalmain 6 milliardas francs. Tge tip da jet che vegn cumprà decida la regenza sezza. Il rapport d'evaluaziun duai esser avant maun l'onn che vegn. Il tip dals aviuns vegn decis fin l'entschatta 2021.

Avant ch'i vegn dentant decis tge jet che vegn cumprà, sto il pievel anc decider. Il decret da cumpra è numnadamain suttamess al referendum facultativ. La votaziun vegn probabel ad avair lieu ils 27 da settember 2020.

Ils emprims aviuns novs duain sgular a partir dal 2025 sur la Svizra.

RTR novitads 15:00

Artitgels legids il pli savens

Ir a sanester Ir a dretg