Siglir tar il cuntegn

Header

cuntegn

VBS L'armada lascha analisar ses process per cumprar rauba d'armaziun

La finamira da l'analisa saja da spargnar temp e daners tar il process da cumprar en. Quai fa l'Uffizi federal da militar er en vista a las grondas fatschentas d'armament che spetgan l'auter onn. Tranter auter stat la cumpra da novs jets da cumbat sin il plan. Ina autra raschun saja, che la tecnologia da l'equipament vegnia oz spert ord moda. Perquai stoppian era ils process da cumprar vegnir pli effizients.

L'analisa externa vegn fatga fin l'autra stad, quai da la firma Deloitte Consulting. Vinavant vegn ina persuna interna dal Departament da defensiun ad accumpagnar l'analisa. L'analisa vegn a custar bunamain in milliun francs, uschia la calculaziun dal departament.

Difficultads da l'ultim temp

Tar las cumpras da l'armada para dad esser en il verm. La cumpra da novas rachetas da defensiun en l'aria ha l'armada stuì suspender, ils novs bittaminas han els survegnì cun retard, la sanaziun dals vehichels Duro stagnescha.

Ord l'archiv:

Il plan d'investiziuns da l'armada, ch'els han preschentà l'onn 2017.

Video
Armada ha preschentà ses messadi
Or da Actualitad video dals 27.03.2017.
laschar ir

RR novitads 10:00