Siglir tar il cuntegn

Header

Polizists bloccheschan la via datiers d'ina demonstraziun da corona a Berna.
Legenda: Datiers da la plazza federala ha la polizia fatg ina bloccada. Keystone
cuntegn

Cunter mesiras da corona Demonstraziuns a Berna ed Urnäsch

A Berna sco era ad Urnäsch en il chantun Appenzell Dadora èn adversaris da las mesiras da corona sa rimnads. Las demonstraziuns n’eran betg lubidas e la glieud purtava per gronda part nagina mascrina.

Ad Urnäsch hai dà in til da pliras tschient persunas. La demonstraziun haja er carmalà aspectaturas ed aspectaturs. La polizia n'haja betg intervegnì la demonstraziun, uschia rapporta in schurnalist da l'agentura da novitads Keystone-SDA.

Intervenziuns a Berna

A Berna è la polizia stada preschenta cun in grond dumber da persunal. Ella haja tramess davent daquei da 100 persunas, uschia scriva la polizia da Berna sin Twitter. I vegnia er a dar denunzias en connex cun la sa rimnada da persunas datiers da la plazza federala. Radund 20 participantas e participants da la demonstraziun n'hajan betg vulì bandunar il lieu, perquai ha la polizia circumdà las persunas e lura controllà ellas. La citad da Berna aveva appellà da betg sa participar a la demonstraziun nunlibida.

Ord l'archiv

Er en la citad da Cuira avevi dà ina demonstraziun cunter las mesiras da corona il mars passà.

video
4'000 persunas han protestà cunter las mesiras da corona
Or da Actualitad video dals 06.03.2021.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga