Siglir tar il cuntegn

Header

cuntegn

Cunvegna da basa cun l’UE Cussegl federal porta plant pervia indiscreziun

Il Cussegl federal ha inoltrà plant pervi da indiscreziun en vista a sia decisiun en connex cun la cunvegna da basa cun l’UE. Quai ha confermà il pledader dal Cussegl federal envers l’agentura da novitads Keystone-SDA. Ordavant aveva la «Schweiz am Wochende» rapportà surlonder.

En la fasa finala dals discurs èn adina puspè documents interns vegnids publitgads. La Procura publica federala haja avert ina procedura penala cunter nunenconuschent pervi dal suspect da violaziun dal secret d’uffizi.

Cassis: «NA fiss stà mender»

Suenter che la cunvegna da basa cun l’UE ha fatg naufragi, èn las consequenzas per la Svizra intschertas. Aderents ed adversaris cumpareglian la decisiun dal Cussegl federal cun il Na dal pievel a l’adesiun al pazi economic europeic EWR il 1992.

Il minister da l’exteriur, Ignazio Cassis, cuntradi en la «Samstagsrundschau» da Radio SRF: Il Cussegl federal haja precis vulì evitar in Na a l’urna. In Na avess numnadamain gì consequenzas pli gravantas per las relaziuns tranter la Svizra e l’Uniun europeica che da rumper giu ils discurs.

RTR novitads 1%:00;

Artitgels legids il pli savens

Scrollar a sanestra Scrollar a dretga