Il med pli effizient per cuntanscher quai, saja probablamain l'introducziun dad ina frain per ils custs da regulaziun, hai gì num a la conferenza da medias da l'uniun a Berna. Ils custs per formalitads e process sco er per ils custs ch'i dettia per respectar las regulaziuns e las leschas svizras muntian a da quai da 70 milliardas francs ad onn.
Proposta per in tal frain è gia en consultaziun
La proposta per in tal frain ha il Cussegl federal tramess dacurt en consultaziun. Projects e leschas che chaschunan custs auts e pertutgan dapli che 10'000 interpresas duvrassan lu en il Parlament federal ina maioritad qualifitgada.
Sper quai propona l'Uniun d'artisanadi e mastergn d'adattar las leschas da lavur als basegns dad in martgà da lavur flexibel, d'accelerar la digitalisaziun e da stabilisar las ovras socialas. Sin nivel internaziunal duai la Svizra contractar cun l'UE per modernisar la convenziun da commerzi liber e duvrar la milliarda da coesiun sco med per far squitsch.
