Il parlament fa ina nova emprova per adattar l'Assicuranza da vegls e survivents AVS. Il glindesdi cumenza il Cussegl dals chantuns cun la discussiun. Quella sa basa sin l'augment dispitaivel da la vegliadetgna da renta da las dunnas da 64 sin 65 onns sco er d'ina taglia sin plivalur pli auta.
audio
Nova emprova per ina refurma da la AVS
ord Actualitad dals 15.03.2021.
laschar ir. Durada: 5 minutas 18 Secundas.
Nov vegn dentant betg pli discurrì d'ina vegliadetgna da renta, mabain d'ina vegliadetgna da referenza. Per umens e per dunnas vul il Cussegl federal fixar quella sin 65 onns. La vegliadetgna da referenza da las dunnas duai vegnir adattada aifer quatter onns successivamain, suenter che la refurma è ida en vigur. Planisà è quai per l'onn 2022.
