Siglir tar il cuntegn

Header

App per il certificat da covid.
Legenda: Daui dar privilegis per persunas cun certificat da covid? Il Cussegl dals chantuns di na. Keystone
cuntegn

Cussegl dals chantuns Nagins privilegis cun certificat da Covid

Persunas cun in certificat da Covid duain era vinavant esser suttamessas a las restricziuns e limitaziuns da la Confederaziun e dals chantuns. Il Cussegl dals chantuns ha midà avis, ed è suandà la proposta da la conferenza d’intermediaziun.

Oriundamain eran omaduas chombras dal Parlament federal da l'avis che persunas vaccinadas, puspè saunas ni cun in test da Covid negativ duessan era profitar da quai.

Concret preveseva l'artitgel en la lescha federala da Covid-19 – che questas persunas na duain betg pli esser suttamessas a las restricziuns d'access e limitaziuns da capacitads che la Confederaziun ed ils chantuns decidan. Quai sch'i sa tracta da localitads avertas al public sco per exempel ustarias, stizuns ni era centers da fitness.

Midada da tenuta

Il Cussegl naziunal ha lura en il decurs da la debatta midà sia tenuta. Quai cun l’argument ch'i dettia memia bleras dumondas co quels privilegis duain vegnir realisads – e ch'i na saja betg correct da crear uschia ina societad da duas classas, nua ch'ils ins han avantatgs envers ils auters. La fin finala ha lura la conferenza d’intermediaziun da las duas chombras proponì da desister sin privilegis. Suenter il Cussegl dals chantuns decida il Cussegl naziunal oz suentermezdi en chaussa.

RTR novitads 12:00

Artitgels legids il pli savens

Scrollar a sanestra Scrollar a dretga