Siglir tar il cuntegn

Header

Hotel a Genevra.
Legenda: Keystone
cuntegn

Suenter schluccadas Nov optimissem en l'hotellaria

Paucas branschas èn vegnidas tutgadas uschè ferm da la pandemia da corona sco la hotellaria. Ussa derasa ella dentant optimissem. Questa stad pudess vegnir anc meglra che la stad passada, di Andreas Züllig, il president da HotellerieSuisse en la gasetta «NZZ am Sonntag».

Il Grischun ed il Tessin possian sperar sin ina buna stagiun ed er per la hotellaria en las citads vesia or meglier. L'ultim pass da schluccadas dal Cussegl federal la fin da matg haja puspè vivifitgà la hotellaria en las citads.

I saja pussaivel che la branscha sa revegnia pli svelt che spetgà, ha ditg il president da l'uniun d'hoteliers da Turitg, Martin von Moos. Er il post da perscrutaziun BAK Economics constatescha quai. Il certificat da Covid pudess supplementarmain dar schlantsch al martgà.

Ord l'archiv:

Avant in onn era la situaziun en l'hotellaria main optimistica.

video
Speranza per la hotellaria en Grischun
Or da Telesguard dals 25.06.2020.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga