Siglir tar il cuntegn

Header

Gerhard Pfister
Legenda: Gerhard Pfister il president da la Partida cristiandemocratica. Keystone
cuntegn

Cussegl federal Gerhard Pfister vul limitar temp d'uffizi

Il president da la Partida cristiandemocratica Gerhard Pfister vul midar il sistem electoral per il cussegl federal. La Svizra stoppia sviluppar vinavant la concordanza, ha el ditg en in'intervista cun las gasettas da CH-Media.

Concret vul Gerhard Pfister limitar il temp d'uffizi per cussegliers federals e cusseglieras federalas sin maximal otg onns. «Sche otg onns tanschan per in president american, daco betg per in cusseglier federal?», dumonda Pfister retoric en l'intervista.

Pfister va da quai anora ch'ins possia cun ina limita remplazzar mintga legislatura trais u quatter sezs dal cussegl federal. Uschia spera el che la cumposiziun da la regenza pudess correspunder pli spert a la veglia dal suveran ch'ozendi.

Svilup necessari

I giaja er persuenter da tegnair a quint a la situaziun ch'i dettia adina dapliras partidas en Svizra. Sch'ins veglia che las relevantas forzas politicas sajan er il futur represchentadas en il Cussegl federal, fetschia quai da basegn d'adattar la furmla magica, ha Pfister accentuà.

RTR novitads 08:00

Artitgels legids il pli savens

Ir a sanester Ir a dretg