Siglir tar il cuntegn

Header

video
Regulaziun dal luf duai vegnir pli simpla
Or da Telesguard dals 09.11.2022.
laschar ir. Durada: 1 minuta 46 Secundas.
cuntegn

Cussegl federal Sajettar il luf duai vegnir pli simpel

Cun reveder l’ordinaziun da chatscha vul il Cussegl federal facilitar vinavant la regulaziun da lufs. La proposta è uss sin maisa – fin ils 23 da favrer pon tuttas partidas prender posiziun.

Actualmain vivan almain 180 lufs e 20 trieps en Svizra ed il dumber d'animals crescha vinavant. Perquai che las sfidas per l'agricultura creschan medemamain vul il Cussegl federal simplifitgar vinavant la regulaziun da lufs. Sia finamira è da mitigiar la situaziun en las regiuns pertutgadas. Perquai reveda il Cussegl federal parzialmain l'ordinaziun enfin ch'ina revisiun da la lescha va en vigur.

La proposta ch'è uss sin maisa resguarda las propostas da 14 organisaziuns da protecziun e d’utilisaders. Fin ils 23 da favrer 2023 pon partidas ed organisaziuns prender posiziun, scriva il Cussegl federal. E sin la stad d'alp 2023 duain las midadas ir en vigur.

audio
Cussegl federal vul schluccar la regulaziun da lufs
ord Actualitad dals 09.11.2022.
laschar ir. Durada: 5 minutas 43 Secundas.

Ils puncts centrals

  • Sajettar pli simpel lufs singuls che chaschunan donns: Nov duai er esser pussaivel da sajettar lufs singuls – che na tutgan betg tar in triep – sch'els sa chattan sin il territori d'in triep.
  • Sajettar immediat in luf en cas da privel considerabel per l'uman: Er duain vegnir sajettads lufs, da trieps e singuls, sch'i exista tuttenina e nunprevesibel in privel considerabel per carstgauns. Quai duai er esser pussaivel senza il consentiment da l'Uffizi federal d'ambient.
  • Regular trieps senza reproducziun: Ils chantuns duain er pudair sajettar lufs giuvens da l'onn avant – fin uss stuevan ils animals esser naschids il medem onn. Premissa è in donn considerabel u in privel considerabel per l'uman.
  • Er biestga e chavals blessads quintan: Da nov na duain betg be animals stgarpads vegnir quintads sco donns considerabels, mabain er bovs, chavals, lamas ed alpacas grevblessads. Quai duai valair per la regulaziun da trieps sco er per lufs singuls.

RTR novitads 12:00

Artitgels legids il pli savens

Scrollar a sanestra Scrollar a dretga