Siglir tar il cuntegn

Header

video
Viola Amherd davart il nov uffizi
Or da News-Clip dals 02.12.2022.
laschar ir. Durada: 30 Secundas.
cuntegn

Cussegl federal Uffizi per segirtad digitala mida en Departament da defensiun

Il Cussegl federal ha decidì la primavaira da stgaffir in uffizi per segirtad digitala. Uss èsi decidì, a tge departament ch'el duai appartegnair.

Il Center naziunal da segirtad digitala daventa in agen uffizi. Decisiv per stgaffir in agen uffizi è tenor il Cussegl federal la «muntada creschenta» dal center naziunal. L'uffizi duai sustegnair economia e populaziun cunter attatgas da cyber e proteger l'administraziun federala. Plinavant è el in post da consultaziun en vista ad attatgas da cyber e duai infurmar la societad davart privels.

Commembers dal Departament federal da Defensiun tar ina debatta dal parlament.
Legenda: Commembers dal Departament federal da Defensiun tar ina debatta dal parlament. Keystone

Cun affiliar l'Uffizi da segirtad digitala al Departament federal da defensiun profitescha l'uffizi da savida ed abilitads dal departament. Fin uss appartegneva il center naziunal da segirtad digitala, che daventa ussa in uffizi, al secretariat general dal Departament federal da finanzas.

audio
Per tadlar: las novitads da las 17:00
ord RTR Audio dals 02.12.2022.
laschar ir. Durada: 5 minutas 30 Secundas.

RTR novitads 15:00

Artitgels legids il pli savens

Scrollar a sanestra Scrollar a dretga