Siglir tar il cuntegn

Header

audio
Tge dian ils parlamentaris grischuns?
Or da Actualitad dals 14.12.2023. Maletg: Keystone
laschar ir. Durada: 3 minutas 57 Secundas.
cuntegn

Cussegl naziunal Gea a daners per ils dossiers dal pazient electronics

Il Cussegl naziunal vul lubir daners da la Confederaziun per dar schlantsch als dossiers dal pazient electronics. El sustegna la proposta dal Cussegl federal.

Il Cussegl federal prevesa da promover ils dossiers dal pazient electronics cun maximalmain 30 milliuns francs. Ed er ils chantuns duain metter a disposiziun 30 milliuns francs. Cun 133 cunter 55 vuschs e duas abstenziuns ha il Cussegl naziunal refusà ina dumonda da betg entrar en materia da plirs cussegliers da la PPS.

Cun impunder quests daners duain ils dossiers dal pazient electronics vegnir derasads en la populaziun, gia avant ina refurma da la lescha federala correspundenta. Il dossier da pazient electronic è ina rimnada d'infurmaziuns impurtantas davart la sanadad d'ina persuna.

RTR novitads 14:00

Artitgels legids il pli savens