L'onn 2018 ha l'entira Svizra dà ora 81,9 milliardas francs per la sanadad. Quai èn 3% u 2,2 milliardas dapli che l'onn avant communitgescha l'Uffizi federal da statistica.L'augment da custs il 2018 saja dentant sut la media da 5 onns. La relaziun dals custs da sanadad cun il product interiur brut (BIP) resta cun 11,9% stabil.
802 francs il mais per sanadad
L'onn 2018 ha mintga Svizra e mintga Svizzer dà ora en media 802 francs il mais per la sanadad, 16 francs dapli ch'il 2017. Questa midada pertutgia principalmain ils pajaments restants ch'ils tegnairchasas han da pajar supplementarmain a las premias ed impostas. Cun quests custs vegnan sur tut pajadas prestaziuns sco chasas da tgira u tractaments tar dentists.
Ord l'archiv:
video
Nossa sanadad custa adina dapli
Or da Nouvo RTR dals 28.09.2017.
laschar ir. Durada: 50 Secundas.
