Questa stad èn bleras alpinistas ed alpinists sa disgraziads. Grazia a la bell’aura da las ultimas otg emnas sajan bleras persunas stadas sin viadi en la muntogna. Quai scrivan la Polizia chantunala dal Vallais e la Federaziun svizra dals guids da muntogna en ina communicaziun communabla.
Appell per sa liar sin turas
Bleras victimas d’accidents da muntogna na sajan betg stadas liadas cun la suga. Perquai appelleschan la polizia ed ils guids da muntogna als alpinists da sa liar en da princip sin turas en auta muntogna. L’autra opziun saja da be far turas nua che quai na saja betg necessari.
Fin uss na saja anc betg da constatar ch’il regress dals glatschers e crudada da crappa chaschunian dapli accidents.
