Ils corps da polizia pateschian da la pressiun che saja creschida. Quai mussa ina retschertga che SRF ha fatg tar differents chantuns pli gronds. Entras la chargia supplementara entras la pandemia haja la polizia fadia da far sia incumbensa principala, uschia Christian Bertschi, pledader da la polizia chantunala da Lucerna.
Tenor Max Hofman, secretari general da l'uniun svizra da policistas e policists, vesian ins en quellas situaziuns che la polizia n'haja betg avunda persunal per ademplir las incumbensas principalas, la prevenziun e quels engaschaments spezials.
Er sche blers corps da polizia han engaschà dapli policistas e policists vegnian ils radund 20'000 policists e policistas svizras a lur cunfins sche la chargia stettia uschè auta.
