Siglir tar il cuntegn

Header

cuntegn

Berna Demonstraziuns nunlubidas custan fin a 200'000 francs

Mintga demonstraziun betg lubida a Berna chaschuna custs da 100'000 fin 200'000 francs. Quests custs pudessan per part vegnir dads vinavant als demonstrants. Questa pussaivladad prevesia la nova lescha da polizia ch’è ida en vigur la stad passada. Quai ha ditg il directur da segirezza chantunal Philippe Müller en la televisiun.

Il Tribunal federal ha decis che quest artitgel saja giuridicamain admissibel. Las vischnancas possian metter a quint als organisaturs ed als demonstrants violents custs da fin 10'000 francs, en cas gravants fin 30'000 francs.

Las demonstraziuns da las emnas passadas adempleschian las premissas per in tal agir. Uss saja chaussa da la citad.

Ord l'archiv da SRF:

Ils 16 da settember hai dà cravals a Berna pervi d'ina demonstraziun betg lubida en connex cun las mesiras da corona. La polizia ha intervegnì.

video
Polizia ha duvrà squittas d'aua encunter demonstrants a Berna
Or da Tagesschau dals 17.09.2021.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga