Passa la mesadad dals organs ch'èn vegnids transplantads l'onn passà èn gnirunchels, in quart èn transplantaziuns dal dir. Pli raras èn stadas transplantaziuns da pulmuns e dal cor. Las cifras da l'Uffizi federal da sanadad mussan era che radund 80% dals organs vegnan da persunas mortas. Betg sa midà è il dumber da persunas che spetgan ina transplantaziun. La fin da l'onn 2022 eran quai 1'442 persunas.
Anc adina dettia ina mancanza d’organs. La pli gronda sfida saja ch'i na dettia da bleras persunas che vegnissan en dumonda sco donaturs naginas infurmaziuns sch'ellas fissan d'accord da dar lur organs. Cun ina campagna vul la Confederaziun motivar la populaziun da sa fatschentar cun la donaziun d’organs e da nudar lur decisiun, betg ch'ils confamigliars stoppian decider.
