Siglir tar il cuntegn

Svizra Duas iniziativas ed eventual in referendum

Il Cussegl federal ha annunzià ils projects da votaziun per ils 25 da november 2018. Duas votaziuns e tut tenor anc ina votaziun da referendum.

Purtret d'in detectiv che fa ina fotografia or d'in auto.
Legenda: Anc betg cler èsi, sch'il suveran po era decider il referendum encunter ils uschenumnads «detectivs socials». Keystone

Anc betg 100% cler èsi, sch'il suveran decida davart il referendum cunter la basa legala per survegliar persunas che retiran prestaziuns da las segiradas socialas. Encunter ils uschenumnads «detectivs socials» aveva in comité independent, cun sustegn da la PS prendì il referendum. Tenor atgnas indicaziuns han els inoltrà da quai da 55'000 suttascripziuns, quellas n'èn dentant anc betg confermadas da la Chanzlia federala.

Dasper quest project vegn il suveran er anc a decider ils 25 da november davart l'iniziativa per vatgas cun corna e l'iniziativa da la PPS per l'autodeterminaziun, dretg svizzer enstagl da derschaders esters.

Las duas iniziativas en curt:

Iniziativa per vatgas cun corna:
L'iniziativa vul subvenziunar purs che tegnan vatgas, taurs u chauras da tratg cun cornas.
Iniziativa d'autodeterminaziun:
L'iniziativa d'autodeterminaziun «Schweizer Recht statt fremde Richter», vul franar che la Constituziun federala vala en mintga cas avant il dretg internaziunal ed è da resguardar avant lez. Excepziun fissan sulettamain las definiziuns obligantas dal dretg internaziunal.

RR novitads 12:00