Siglir tar il cuntegn

Header

cuntegn

Dumber d'infecziuns crescha Sommaruga appellescha da restar disciplinà

En vista al dumber da las infecziuns da corona che creschan, vul il Cussegl federal collavurar pli stretg cun ils chantuns. Quai ha annunzià la presidenta da la Confederaziun, Simonetta Sommaruga en in pled a l'universitad da Basilea.

Simonetta Sommaruga vegnia perquai a seser ensemen la gievgia vid ina maisa cun ses collegas Alain Berset e Guy Parmelin, ils presidents da las conferenzas da las regenzas chantunalas ed ils directurs da sanadad ed economia. Quai per discutar e coordinar ils proxims pass.

En ses pled davart l'onn presidial en temp da corona, ha Sommaruga danovamain appellà a la disciplina da a populaziun. La Svizra haja fin uss dumagnà pulit bain la crisa en cumparegliaziun internaziunala. La punctuaziun saja dentant tar «fin uss».

Il dumber d'infecziuns actual che creschia, fetschia quitads ad ella. Lavar ils mauns, purtar mascras, tegnair distanza e far diever da la tracing app – tut quai stoppia puspè sa chapir da sez.

audio
Per tadlar curt e cumpact
ord RTR Audio dals 13.10.2020.
laschar ir. Durada: 1 minuta 2 Secundas.

RTR novitads 06:00

Artitgels legids il pli savens