Dumber marcant pli aut - 311 infecziuns novas da corona ha il BAG annunzià la mesemna
Passa 300 cas novs ha l'Uffizi federal da sanadad annunzià per la Svizra ed il Principadi da Liechtenstein aifer 24 uras. Quai èn uschè blers sco dapi mez avrigl betg pli.
Il medem mument ha l'Uffizi federal da sanadad registrà en cumparegliaziun cun ier – 19 novas entradas en ospitals e dus novs mortoris.
Il BAG aveva gia l'entschatta da quest'emna survegnì levamain dapli annunzias da cas confermads da corona, che anc avant in'emna. Il mardi avevi dà 197 cas annunziads, il glindesdi 128. Avant in'emna eran quai stads il glindesdi 105 cas, ed il mardi 187 cas. La media dals cas confermads l'emna passada è stada da glindesdi fin dumengia tar radund 220 cas per di.
Plirs tschients turists svizzers sin las Balearas han reservà anticipadamain lur sgol enavos en Svizra. Uschia vulan els evitar da stuair ir en quarantina. Davent da damaun gievgia èn las inslas da vacanzas spagnolas sin la glista federala dals pajais cun ristg augmentà da corona.
Pajais da ristg tenor la glista dal BAG
Avrir la boxSerrar la box
Questa glista dal BAG vala a partir dals 28 da settember
Africa dal Sid
Albania
Andorra
Argentina
Armenia
Austria (Oberösterreich, Niederösterreich, Wien)
Bahamas
Bahrain
Belgia
Belize
Bolivia
Bosnia ed Erzegovina
Brasilia
Cabo Verde
Chile
Columbia
Costa Rica
Croazia
Danemarc
Ecuador
Emirats Arabs Unids
Frantscha (diversas regiuns, da nov la Bretagne)
Giamaica
Gronda Britannia
Guyana
Honduras
India
Irac
Irlanda
Islanda
Israel
Kasachstan
Katar
Kuwait
Libanon
Libia
Liguria (Italia)
Luxemburg
Macedonia dal Nord
Maledivas
Maroc
Malta
Mexico
Moldavia
Monaco
Montenegro
Namibia
Nepal
Oman
Pajais Bass
Panama
Paraguai
Peru
Portugal
Republica Dominicana
Rumenia
Slovenia
Spagna
Surinam
Stadis Unids da l'America
Territori Palestinais Occupà
Trinidad e Tobago
Ungaria
Dapi ils 28 da settember betg pli sin la glista:
Aruba
Cosovo
Inslas Turks e Caicos
Inslas Virginas Britannicas
San Marino
Sint Maarten
Swiss è pronta da sgular dapli
La societad aviatica Swiss sgola enavos oz mesemna passa 300 turists da Palma de Mallorca, e dovra perquai in aviun pli grond. E sco la societad ha ditg sin dumonda da l’agentura da novitads Keystone-SDA, vegnian els ad observar exact il svilup ils proxims dis.
Ils organisaturs da viadis Hotelplan, Tui e Kuoni han tenor atgnas indicaziuns actualmain plirs tschients giasts sin las Balearas.
