Ils chastis pervi da mancanza da distanza na valan betg pli. Gia sonda passada ha il Cussegl federal abolì quels. Ils chantuns sajan vegnids orientads, ma betg la populaziun. Quai scrivan las gasettas da Tamedia.
Regla da dus meters distanza vala vinavant
Bain recumonda l'Uffizi federal da sanadad BAG vinavant da sa tegnair vid las distanzas da dus meters. Smanatschar cun in chasti na saja dentant betg pli commensurà en vista al bass dumber d'infecziuns novas.
Nagin turissem da cumpra
En singuls cas prevesa l'ordinaziun da Covid dentant vinavant chastis, per exempel tar reuniuns memia grondas u tar il turissem da cumpra.
audio
Per tadlar: Las novitads da las 06:00 uras
ord RTR Audio dals 04.06.2020.
Maletg: RTR
laschar ir. Durada: 7 minutas 13 Secundas.
