Siglir tar il cuntegn

Header

cuntegn

Economia Nestlé fa pli pauc gudogn malgrà pli auta svieuta

Cun augmentar ils pretschs è Nestlé creschì ferm l'onn passà. La svieuta dal concern da mangiativas svizzer è creschida il 2022 per var 8% sin passa 94 milliardas francs, sco Nestlé scriva. En'emprima lingia è quai dentant l'effect da la chareschia, che ha laschà crescher ils pretschs.

Nestlé senta ils effects da la chareschia

Il gudogn da Nestlé è dentant sa reducì il 2022, sch'ins cumpareglia cun il 2021. Là aveva il concern dentant er profità extraordinararmain da la vendita da cumparts da L'Oréal. Er sche Nestlé fa damain gudogn, paja el dapli dividendas a ses acziunaris ed acziunarias.

Las spartas ch'èn creschidas il pli ferm èn puspè stadas il pavel d'animals ed il café. La chareschia ha dentant pegiurà la luna da consumar il davos quartal 2022, e Nestlé ha vendì 2,6% pli paucs products. Pervia da la chareschia ha Nestlé annunzià da vinavant auzar ils pretschs da ses products.

audio
Per tadlar: las novitads da las 08:00
ord RTR Audio dals 16.02.2023.
laschar ir. Durada: 4 minutas 46 Secundas.

RTR novitads 10:00

Artitgels legids il pli savens