L’onn che vegn creschan las pajas en media per 0,8% en Svizra, quai mussa ina retschertga da la banca gronda UBS tar passa 300 interpresas. L'augment da pajas sa chatta cunquai en la media dals davos diesch onns. Plinavant prognostitgeschan ils economs da l’UBS per l’onn che vegn in chareschia da 0,4%.
Perquai creschan las pajas real be levet. Malgrà quai pudessan las consumentas e consuments avair ina capacitad da cumpra pli gronda. Durant la pandemia haja la glieud spargnà dapli, uschia l’UBS. Ina part da quels respargns vegnia a sustegnair la conjunctura, quinta la UBS. Er 80% da las interpresas quintan cun in svilup positiv da l'economia.
Ils problems da furniziun e prezis da cumpra che creschan fan quittà. Il augment da pajas reduceschia dentant il ristg d'inflaziun, uschia Daniel Kalt, schefeconom da la UBS.
Gia l'avust aveva Travailsuisse annunzià las pretensius per augments da paja per 2022
