Suenter in plus da 30,7 milliardas francs l'emprim quartal èn uschia vegnids vitiers ulteriurs 7,8 milliardas francs. Contribuì a quest resultat hajan surtut ils curs pli auts da titels ed il pretsch pli aut per l’aur. Quai ha communitgà la SNB. Il gudogn tar las valutas estras haja muntà l'emprima mesadad da l'onn a 33,8 milliardas francs.
Quest resultat correspunda a las spetgas dals analists. Prognosas per l'entir onn da fatschenta na fa la Banca naziunala svizra betg. Sco usità fa ella attent ch'il resultat dependia dal svilup als martgads dad aur, da devisas e da chapital. Grondas fluctuaziuns dals curs sajan la regla e conclusiuns perquai be pussaivlas cun resalva.
RR novitads 09:00
