Siglir tar il cuntegn

Header

cuntegn

Cussegl federal Levrat pledescha d'eleger Rytz

Christian Levrat
Legenda: Keystone

Il president da la PS svizra, Christian Levrat, appellescha d'eleger Regula Rytz en il Cussegl federal. D'eleger la presidenta dals Verds enstagl d'Ignazio Cassis, il Cusseglier federal da la PLD, saja la suletta schanza per ch'ils cristian-democrats survivian en il Cussegl federal, ha avertì Levrat en ina intervista cun la gasetta «Le Matin Dimanche».

La PCD aveva declerà l'emna passada ch'ella na sustegnia betg Rytz tar l'elecziun ils 11 da december. Tenor Levrat è questa strategia però il suicidi politic. Er la PPS ha gia declerà ch'ella na sustegnia betg l'elecziun da la presidenta dals Verds. Il schef da la PPS, Albert Rösti, ha gia annunzià ch'ins na veglia midar nagut vid la constellaziun dal Cussegl federal. Er in inscunter per discutar davart ina nova furmla magica, sco Gerhard Pfister aveva proponì, refusa Rösti.

RTR novitads 06:00