Il ticker è a fin
-
19:28
Quai fissi stà da nus per vus...
Sin rtr.ch u lura damaun a bun'ura al radio tegnain nus vus vinavant al current cun ulteriuras reacziuns, impressiuns ed analisas davart questa dumengia. Ma natiralmain er da quai che capita anc ordaifer il mund politic en il Grischun, en Svizra ed internaziunal.
Grazia fitg per l'attenziun ed ina bella saira.
Salids en il num da l'entir team online da RTR, Gion Gieri Flepp.
PS: resuns, giavischs, critica – gugent a multimedia@rtr.ch
Legenda: RTR, Flavio Deflorin -
19:17
Resultats communals datti er anc....
Uschia han ils da S-chanf p. ex. elegì Riet Campell sco nov president commual cun 177 vuschs tar in absolut pli da 99 vuschs. Sco vicepresident è vegnì elegì Heinz Thomas cun 153 vuschs.
Ulteriurs commembers da la suprastanza elegids èn:
- Robert Thoma: 153 vuschs
- Rafael Da Silva Pinto: 129 vuschs
- Duri Schwenninger: 123 vuschs
Il suveran da S-chanf ha cunquai elegì ina suprastanza cumplettamain nova.
La survista dad ulteriuras decisiuns communalas chattais en l'artitgel sutvart.
-
19:10
Tge resta da questa dumengia d'elecziuns ord vista grischuna?
Ils facit dal schefredactur da RTR, Flavio Bundi è clers. L'entir commentari chattais qua.
Legenda: RTR -
19:03
Co han las vischnancas elegì?
Sin basa da las datas d'elecziun da l'Uffizi federal da statistica (BFS) elavura il roboter «Lena» ils resultats per il Cussegl naziunal. El generescha uschia per mintga vischnanca in curt text davart la elecziun. Il roboter è in project da l'agentura da novitads Keystone-SDA. Grazia ad ina cooperaziun cun la SRG SSR fa «Lena» sia lavur era per rumantsch. Fin che tut ils resultats èn qua, dovri anc in mument. Dal Grischun è però gia bler avant maun.
-
18:50
Reacziuns, emoziuns ed analisas
Quai è il Telesguard d'elecziuns. Qua entir ed entratg.
videoTelesguard d'elecziunsOr da Telesguard dals 20.10.2019.laschar ir. Durada: 30 minutas 34 Secundas. -
18:32
PPS: Tranter gust e frust
La scheffa da l'Ems-Chemia che dastga ir per ulteriurs quatter onns a Berna per il Grischun ha natiralmain gust dal bun resultat persunal. Da l'autra vart è ella trumpda ch'in n'è betg gartegià da salvar il segund sez da la PPS cun ses collega Heinz Brand. Quai fiss tenor ella stà pussaivel cun ina colliaziun da glistas burgaisa.
audioMagdalena Martullo-Blocher: «Tar la PPS avain nus in resultat extraordinari»ord Actualitad dals 20.10.2019.laschar ir. Durada: 2 minutas 43 Secundas. -
18:24
Martullo-Blocher e Candinas cun ils megliers resultats
Magdalena Martullo Blocher (PPS) ha cuntanschì oz las pli bleras vuschs en il Grischun, numnadamain 23'942. Las segund bleras vuschs ha cuntanschì Martin Candinas (PCD), numnadamain 23'143 – 799 pli paucas che Martullo-Blocher.
Legenda: Il plaschair dal resultat persunal è grond. Tar Magdalena Martullo-Blocher datti però er anc in zic frust perquai che sia partida, la PPS ha pers in sez a la PS en in Grischun. RTR, Flavio Deflorin -
18:12
Anna Giacometti: «Jau na poss strusch chapir u crair»
Cun la surpraisa che la presidenta communala da Bregaglia giaja per la partida liberaldemocratica a Berna han paucs quintà. Uschia è la surpraisa er gronda tar ella sezza.
audioSurpraisa – Intervista cun Anna Giacomettiord Actualitad dals 20.10.2019.laschar ir. Durada: 3 minutas 13 Secundas. -
18:01
Cussegl naziunal: Verds gudognan, PPS perda
L'unda verda sa mussa er en la repartiziun per ils sezs en il Cussegl naziunal: La Partida verda gudogna 16 sezs e vegn sin total 27. La gronda perdidra è la PPS cun -11 sezs, era sch'ella resta la pli gronda fracziun. Quai mussa la segunda calculaziun naziunala da l'institut gfs.berna.
Ils verd-liberals gudognan era 8 sezs e vegnan sin 15 sezs. Persuenter sto la Partida socialdemocratica quintar da perder quatter sezs.
-
17:47
Sandra Locher Benguerel (PS): «Per l'atgna carriera fin uss l'absolut highlight»
Ella veglia s'engaschar per la dunnas e per in Grischun verd e progressiv a Berna.
audioIna da las surpraisas: Intervista cun Sandra Locher Benguerelord Actualitad dals 20.10.2019.laschar ir. Durada: 3 minutas 3 Secundas. -
17:33
Er Duri Campell: «Cun mia carriera persunala vegni ad esser a fin»
En l'avegnir veglia el sa concentrar sin sia pauraria e la plazza da campar ch'el maina.
videoConclusiun da Duri Campell. Fin da sia carriera politica?Or da Actualitad video dals 20.10.2019.laschar ir. Durada: 1 minuta 10 Secundas. -
17:28
Heinz Brand vesa ses resultat sco fin da sia carriera politica
El haja adina quintà ch'i possia er vegnir ora uschia e na vul betg anc ina giada candidar en quatter onns.
videoHeinz Brand è pront per la pensiunOr da Actualitad video dals 20.10.2019.laschar ir. Durada: 1 minuta 14 Secundas. -
16:44
Cussegl naziunal: Heinz Brand e Duri Campell betg reelegids
Suenter che tuttas vischnancas èn dumbradas or sa preschenta il suandant resultat final. Elegids èn:
- Magdalena Martullo-Blocher (PPS) cun 23'942 vuschs
- Martin Candinas (PCD) cun 23'143 vuschs
- Jon Pult (PS) cun 17'954 vuschs
- Sandra Locher Benguerel (PS) cun 9'567 vuschs
- Anna Giacometti (PLD) cun 6'932 vuschs
Gist pliras surpraisas per l'elecziun dal Cussegl naziunal en il Grischun
- Heinz Brand n'è betg vegnì reelegì, quai malgrà ch'el ha fatg avant quatter onns las pli bleras vuschs per il cussegl naziunal e malgrà ch'el fiss daventà il 2021 il president dal Cussegl naziunal e cunquai il pli aut Svizzer.
- La PS ha da nov dus sezs en il Cussegl naziunal. La deputada da Cuira Sandra Locher Benguerel conquista in sez sper Jon Pult che defenda il sez da Silva Semadeni.
- Per la PLD dastga Anna Giacometti ir a Berna. Era sch'ils favurits da la PLD èn plitosts stads Michael Pfäffli e Vera Stiffler.
Be da las vuschs da candidatAs anora avessan tant Heinz Brand (PPS) sco Duri Campell dapli vuschs che Anna Giacommeti (PLD) e Sandra Locher Benguerel (PS). La PLD e la PS han però profità en quest cas da las colliaziuns da glistas.
Legenda: RTR, Flavio Deflorin -
16:26
Cussegl naziunal: Martin Candinas sa legra da sia reelecziun
El para da vegnir reelegì cun in sumegliant resultat sco avant quatter onns (stan intermediar: 19'564 vuschs, segund bun resultat suenter Magdalena Martullo cun 20'445 vuschs).
Legenda: RTR -
16:12
Cussegl naziunal: Ils verds surpassan la PCD
La unda verda para da sa verifitgar – la Partida verda gudogna 5,6% e vegn sin 12,7%. Ella daventa cun quai pli ferma che la PCD (12%). Quai mussa l'emprima calculaziun naziunala per il Cussegl naziunal fatga da l'institut gfs.berna.
-
16:01
La PBD – la gronda perdidra
Probabel haja el fatg ina politica ch'ins n'haja betg chapì. Plinavant portian era las medias ina tscherta responsabladad per la perdita da la PBD. Sch'ins vegnia adina numnà sco gia mort, saja quai natiralmain grev da vegnir là surora. Sco «sulegl» per la partida, vesa el ils giuvens burgaisdemocrats. Els hajan cuntanschì lur finamira.
Legenda: RTR -
15:48
Cussegl dals chantuns: Ils victurs avant la camera
-
15:38
Co guardi or sur l'entira Svizra?
La charta mussa il stan actual da la dumbraziun da vuschs en tut ils chantuns (la charta vegn actualisada automaticamain).
-
15:18
Preparativas en il studio dal Telesguard
L'emissiun cun rapports, reacziuns ed analisas a las 17:30 sin SRF Info.
Legenda: RTR, Flavio Deflorin -
15:08
Cussegl naziunal: Duri Campell para betg reelegì
Suenter che tut las vischnancas auter che Cuira èn dumbradas or sa preschenta la situaziun suandantamain:
- La PBD cun Duri Campell perda ses sez, pli probabel a la PLD. A tgi n'è anc betg enconuschent.
- Martin Candinas dals cristiandemocrats defenda ses sez.
- Da la vart sanestra pari che Jon Pult (PS) po defender il sez da Silva Semadeni (PS) che ha demissiunà.
- Betg cler è anc sch'il 5avel sez va a la dretga u a la sanestra. Actualmain è la PPS en avantatg. Quai che muntass ch'ella pudess salvar omadus sezs cun Magdalena Martullo e Heinz Brand.
Cumbat entaifer la PPS
Actualmain è la glista da Magdalena Martullo-Blocher pli ferma che quella da Heinz Brand. Il 2015 aveva Brand fatg 4'282 vuschs dapli che Martullo-Blocher.
