Il suveran ha elegì Riet R. Campell cun 177 vuschs tar in absolut pli da 99 vuschs. Sco vicepresident è vegnì elegì Heinz Thomas cun 153 vuschs.
Suprastanza communala
- Robert Thoma: 153 vuschs
- Rafael Da Silva Pinto: 129 vuschs
- Duri Schwenninger: 123 vuschs
Il suveran da S-chanf ha cunquai elegì ina suprastanza cumplettamain nova. Per Campell saja quella nova entschatta ina cun schanzas. Tge schanzas, tge plans e tge finamiras n'ha Riet R. Campell betg savì dir curt suenter sia elecziun. El veglia sco emprim entrar en uffizi avant che discurrer da quels temas.
10 persunas han chalà
L'anteriur president communal da S-chanf, Gian Fadri Largiadèr, n'è betg pli stà a disposiziun per in'ulteriura perioda d'uffizi, quai or da motivs privats. Cun el han demissiunà en tut set persunas da la suprastanza. Vinavant han la chanzlista ed il contabilist visà la plazza.
Davart ils motivs pussaivels per las demissiuns tar la vischnanca da S-chanf na saja il nov president communal betg infurmà.
RR novitads 17:00
