Pervi da las mesiras da corona empostan dapli persunas lur regals da Nadal online. La Posta ha uschia dapli lavur ed avertescha da las consequenzas. Dapi il Black Friday la fin da november furneschan ils postins e las postinas mintgadi passa 1 milliun pachets. Quai èn 20% dapli che l'onn passà. Il persunal haja il mument emnas da lavur da 50 uras, ha ditg Léa Wertheimer, la pledadra da medias.
audio
Léa Wertheimer, pledadra da La Posta
ord RTR Audio dals 15.12.2020.
laschar ir. Durada: 19 Secundas.
La posta avertescha pia da las consequenzas d'in eventual segund shutdown. Il persunal dovria ina distgargia. Dapi il mars na saja il dumber da pachets betg pli sa sbassà sin in nivel normal.
