Siglir tar il cuntegn

Header

cuntegn

Emprim semester 2020 Swisscom fa gudogn da 736 milliuns francs

La Swisscom ha fatg l'emprim semester dal 2020 damain svieuta e damain gudogn, cumpareglià cun la medema perioda da l'onn passà. Il pli grond concern da telecommunicaziun svizzer ha fatg ina svieuta da 5,44 milliardas francs l'emprim mez onn. Quai è in minus da 3,9%, sco Swisscom ha communitgà. Il gudogn operativ sin stgalim EBITDA è sa reducì per 1,4% sin 2,21 milliardas francs. Sut il stritg resulta in gudogn da 736 milliuns francs, in minus da 5,6% cumpareglià cun il 2019.

Da contribuir saja quest resultat cunzunt a dus facturs: Per l'ina sajan las taxas da roaming sa reducidas pervi dal lockdwown per 41 milliuns francs. Per l'autra sentia er Swisscom la pressiun sin il pretsch.

L'emprim semester da quest onn ha il concern reducì ils custs per 64 milliuns francs. En Svizra ha Swisscom stritgà 509 plazzas da lavur cumplainas.

Ord l'archiv

video
Puspè panna tar Swisscom
Or da Tagesschau dals 26.05.2020.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga