Il Cussegl federal vuleva oriundamain laschar decider mintga chantun sez, sch'el vul metter a disposiziun la pussaivladad d'inoltrar singuls documents u era l'entira decleraziun da taglia a moda electronica. La maioritad dal Parlament federal vul qua dentant ir pli lunsch ed obligar tut ils chantuns d'introducir tals sistems. La digitalisaziun en il sectur da las taglias saja en tutta cas in pass impurtant en direcziun dapli effizienza e simplificaziun dals process da lavur, hai gì num en il parlament. Quai tant per l'administraziun chantunala e federala, sco era per las singulas interpresas e persunas privatas.
Anc betg cler è davent da cura che quai obligatori duai valair. Tscherts chantuns dovran anc temp per reorganisar lur uffizis da taglia.