La gronda part da las pazientas e pazients èn cuntents cun lur ospitalisaziun en ospitals svizzers. Quai mussa in‘enquista cun passa 32’000 persunas. La satisfacziun dals pazients resta cunquai dapi onns gronda. En tut èn vegnids valitads 189 ospitals acuts e 30 ospitals d’uffants.
Passa 63% da las persunas dumandadas han inditgà ch’ellas han adina pudì far dumondas e survegnì respostas enclegentaivlas, era davart scopo da lur medicaments. In zic main positiva è stada la valitaziun davart l’organisaziun da l’extrada da l’ospital e la qualitad da la tgira. Ina maioritad predominanta (stgars 90%) di che la durada da l'ospitalisaziun saja stada gist endretga. La gronda satisfacziun da las pazientas e dals pazients saja dapi l'onn 2016 stabila.
audio
Per tadlar curt e cumpact
ord RTR Audio dals 17.05.2022.
laschar ir. Durada: 4 minutas 32 Secundas.
