Blers eran anc pli optimistics avant in mez onn. Lura quintavan anc 22% dals schefs da finanzas che l'economia na creschia betg uschè fitg pli. Actual èsi schon in terz. Inquietads èn ils managers pervi da l'inflaziun, problems cun chadainas da furniziun ed il provediment d'energia. L'interpresa da cussegliaziun Deloitte ha publitgà ils resultads da questa enquista.
Svilup per l'atgna interpresa vegn vis positiv
Ils 127 managers ch'èn vegnids dumandads manegian dentant che las perspectivas finanzialas sajan per la gronda part bunas per lur fatschentas. Er la svieuta vegnia a crescher tenor la gronda maioritad dals managers e las manageras. Per l'inflaziun quintan els en media cun 2,4% chareschia en ils proxims dus onns.
audio
Per tadlar: las novitads da las 10:00
ord RTR Audio dals 04.10.2022.
laschar ir. Durada: 3 minutas 2 Secundas.
