Siglir tar il cuntegn

Header

Pli che 100 persunas èn mortas tar l'explosiun e millis èn feridas. E blers han pers dad in mument sin l'auter in tet sur il tgau.
Legenda: Pli che 100 persunas èn mortas tar l'explosiun e millis èn feridas. E blers han pers dad in mument sin l'auter in tet sur il chau. Keystone
cuntegn

Explosiun en il Libanon Agid da la Svizra per Beirut

Suenter la gronda explosiun en la citad principala dal Libanon è oz sgulà in team d'experts svizzers a Beirut, scriva il Departament federal da l'exteriur (EDA).

I sa tracta qua dad experts dal corp svizzer per l’agid umanitar ed in spezialist da segirezza dal center da management da crisa. Era en viadi vers Beirut èn inschigneras, spezialists d’infrastructura, da logistica e da telecommunicaziun sco er ina psicologa. Tranter auter duai vegnir gidà a controllar la stabilitad dals edifizis. Plinavant sustegna la Svizra la crusch cotschna dal Libanon cun 500’000 francs per l’agid immediat a la populaziun.

Tar l'explosiun ch'igl ha dà il mardi al port da Beirut èn passa 100 persunas mortas e millis da persunas èn vegnidas blessadas. Sche persunas Svizras èn vegnidas victimas da l'explosiun vegn anc sclerì. Entant na dettia quai naginas indicaziuns, scriva il Departament da l'exteriur.

video
Ord Tagesschau: Agid Svizzer a Beirut
Or da Tagesschau dals 07.08.2020.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga