La Svizra duai pudair far excepziuns tar il commerzi cun l'exteriur. Tranter auter duai quai esser pussaivel da far excepziuns tar l'export e reexport da material da guerra – en situaziuns extraordinarias, ha ditg il president da la cumissiun per la politica da segirezza dal Cussegl dals chantuns Werner Salzmann.
Cun 8 cunter 3 vuschs ha la cumissiun decis d'inoltrar ina moziun per reveder la lescha davart il material da guerra. Quai suenter che la medema cumissiun dal Cussegl naziunal aveva decis tuttina. Ussa duai vegnir elavurà in sboz per la revisiun.