La Germania aveva vendì panzers dal tip «Leopard 2» a la Svizra. Uss vul ella enavos quels per remplazzar ils panzers ch'ella furnescha a l'armada ucranaisa. Ils panzers n'èn en il mument betg en funcziun ed en in magasin en la Svizra Orientala.
Parlament sto decider
Avant ch'els pudessan vegnir vendids, stuess il parlament svizzer dentant metter ils panzers formalmain or da servetsch. La Cumissiun per la politica da segirtad dal Cussegl dals chantuns ha refusà il favrer da dar liber 30 «Leopards» per la Germania. Quai cun in fitg cler resultat (8 cunter 2 vuschs). La Svizra possia cun quels panzers porscher ina contribuziun per la defensiun da l'Europa.
Il Departament federal da defensiun ha confirmà envers Keystone SDA che la Germania ha dumandà la Svizra. Or da la vesta da l'armada svizra saja pussibel da desister sin in tschert dumber da panzers.
