Siglir tar il cuntegn

Header

cuntegn

Exports da mesa milliarda La Svizra exportescha dapli material da guerra

Ils emprims nov mais da l’onn han firmas svizras exportà material da guerra en valur da bunamain ina mesa milliarda francs.

Quai èn radund 200 milliuns francs dapli che durant la medema perioda da l’onn passà, quai ha communitgà il Secretariat da stadi per l’economia SECO. La Svizra ha exportà il pli bler material da guerra en il Danemarc e la Germania.

Ma er en stadis ch’èn involvids en conflicts ha la Svizra exportà material da guerra. Uschia per exempel en l’Arabia Saudita ed il Pakistan.

Critica pervia da carschen d'exports

La gruppa per ina Svizra senza armada (GSoA) ha crititgà ch'i vegnia exportà dapli material da guerra. La Svizra duai promover pasch enstagl da conflicts e guerras, uschia scriva la gruppaziun en ina communicaziun.

audio
Per tadlar: Las novitads da las 16:00
ord Novitads dals 15.10.2019. Maletg: RTR
laschar ir. Durada: 2 minutas 22 Secundas.

RR novitads 16:00

Artitgels legids il pli savens