En il center dal film stà Vitalina Varela, ina dunna da 55 onns da las Capverdas che ha spetgà plirs decennis sin in sgol a Lissabon. Vitalina Varela, che gioga en il film a sai sezza, ha survegnì il leopard d'argient per la meglra actura dals films en concurrenza.
Il studi da la vita en in Slum a Lissabon tschiffia en emprima lingia cun ses purtrets magics, scriva l'agentura da novitads svizra SDA.
Per il reschissur Pedro Costa è il leopard d'aur per «Vitalina Varela» gia il segund premi ch'el survegn a Locarno. El è vegnì onurà gia il 2014. Surdads vegnan ils leopards questa saira sin la Piazza Grande.
RR novitads 17:00